NIGIR seu NIGER, NIGRIS et NIGRES

NIGIR, seu NIGER, NIGRIS, et NIGRES

Africae fluv. a quo Nigrites, seu Nigretes, populi Libyae dicti, Steph. Ptolomaeo Νίγειρ dicitur; quem, cum Latinorum aliqui, more linguae suae inflectentes, Nigrum dixerint, hinc Solini error ortus est, qui ab aquae colore ita dictum censuit, c 27. Inde Niger est amnis, qui atrô colore exit per intimas et exustas solitudines. Barbarum potius vocabulum censendum; neque enim aut ipsi Libyes, aut Graecia vocabulo Latino urbem Nigira vocarent, sed ea sic Nigira a Νίγειρ fluv. ut alia urbs Gira a Gir denominatur. Vide Niger.